اورمو گولي زاريلليري باخانلارا بللي دير
حياتين نان ال اوزوري باخانلارا بللي دير
بيري دئيير ياغين آزدي بولوت پاخيل اولوب دي
بيري دئيير باغ باخچالار وارليقي ، بوني بئله ائديب دي
بيري دئيير سد وورولوب سد لر بئله ساليب دي
باغلي آغيز نمنه دئسين سوزي دالغا تاپانمير
قولاق آسان سوزلرينه بير توپلوما چاتانمير
مللت هاممي قولاق آسير بير دانيشان اولانمير
بير كيمسه يوخ دئيه قم دا ياغين ليق دا آز اولار
آمما باخين نئجه اونا آرتيق سد لر باغلانار
اوننان سونرا دز آرخين نن نئجه آخيم آخينار
اوزون اوزون تونلي نن قم دا اونا باغلانار
بيري دئمير كه دوغان چاي ( زاينده رود) آييري يئره باغلانيب
كارون سويو گليب اوني اصفهاندا وارلاديب
بيرده باخين كارون نئجه گليب اورا اوزانيب
اورمو گولي سن قاليب سان اوزگه لرين الينده
جان يانديرماز اوزگه بئله گليب سني دئيريلده
پيس پاي چي ليق سينان لارين احواليندا اولاندي
سينان لارين حاللاري دا ائله بئله قالاندي